瑜仔的堕落天堂

这段时间是十分的无聊和苦闷，每天下午14：30（北京时间18：30）后准时上行政之窗和HW论坛找点乐子。。。

来左Petersburg三个星期，基本每个星期走两条友。。。

呢个星期最好玩既华工校友都撇翻广州同LP摞证，然后我既partner临时收到通知要下周一就翻去搞签证，到此为止剩翻我一条友留系度无聊啦！

 

正当痛苦紧既时候，一个core network既同事好及时感搬左入来，不过睇个样好似唔系几中意讲野感。。。6-_-

 

真系唔知几时轮到我撇啊，好想翻去shopping同打波啊！sigh！

 

呢个星期终于有翻些少野做，算系同几条俄罗斯友仔开左两次会，3个钟既会议一般99％既野我都听唔明，仲要办到好pro感个头up下up下。。。本地行销既兄弟话我系来做专家既。。。妖，我都算系专家公司就真系PK啦 6-_-

 

呢两日识左个来公司打暑期工既靓仔，个名叫伊里亚。开始见距唔系几讲野感，听距既英文口音发觉有D唔同，我个PM老王话距留学US五年然后返来读大学既。。。暑假就跟住老王稳食啦！后来先知道，点解距无拉拉咩都唔识就可以来公司实习呢，皆因距老窦系呢度MTC既CEO。简单解析下MTC，就系俄罗斯移动同固网既大佬，即系话条靓仔类似于中国移动。。。条CEO。。。WJZ个仔感既地位啦，哎，好黑暗好复杂D搞关系既野。。。唔知距来实习系咪工资仲要高过我地呢。。。话唔定仲有奖金！可怜我既年终奖仲未有眉目，shit！

 

以下系前两日技术经理Denis同我关于“四仔”既对话，从楼价好贵既话题讲起－－－

D:"Do you have a house?"

me:"no..."

D:"Oh~ poor boy! car?"

me:"no..." 6(-_-||)

D:"Oh~ that's bad...bad! wife?"

me:"no..." 6(-_-b)

D:"Oh~ very bad, very bad!..."

me...6(-_-#)

 

好严重感比呢条肥佬鄙视左。。。打工仔谈何四仔呢！

 

N年无亲自煮饭吃之后，终于响Petersburg呢个物价奇高既地方，逼于生活压力，要自己煮饭吃了。

 

呢度D同事习惯系周末就买好未来一周既储备粮（净系晚饭，皆因午饭出去搞掂），3到4个人大概系1000RMB到。平夹饱既食物包括薯仔数只（必备），洋葱数只，青豆一袋（必备），面饼，水饺，大米，牛肉猪肉鸡肉各斤半，番茄数只，包菜一旧（十分抵食），面包两袋，牛奶数瓶，鸡蛋30只，葱蒜姜随意，俄罗斯汤料几包，水果酸奶随意。原来想煲汤既，发觉D汤料无得买，sigh！！

 

基本上6日可以完全吃晒，渣都无得剩个只。。。

 

呢排经常煮既送有：青椒（红椒）肉片，洋葱黑椒牛柳/鸡柳，番茄蛋（呢样真系系人都识得整），手撕包菜（呢个水平比较高，返去比李子距地试下），薯仔焖牛肉，葱油煎饼（呢样比较pro，一个同事教既），油焖豆等等。。。其实煮饭搭配可以比较随意，中意既几样炒埋一齐都唔错，比如青瓜肉片加D红椒，油焖豆又可以加D鸡丁等，睇个人中意啦！煮左个几星期发觉水平比以前又进步左，生活所迫，马死落地行，原来感先会有进步既。。。

 

周末（19号）天气十分好，宿舍决定去叶卡捷琳娜个皇宫（皇村）及及。辗转N站地铁，城铁，公交，终于到左。ps：来俄罗斯唔识俄语简直就系自寻死路，路牌无一个有英文既，十分BT！今日稳城铁个售票处搞左一个钟，最后一个好热情既乌克兰大妈，带住我一个识少少俄文既同事，辗转数十分钟先买到左车票。。。sigh！我地去到个时皇宫主建筑已经关左门，据闻入边比较堂皇，可惜见唔到。于是我地几条友就唯有周围逛逛其他景点。成个皇宫70％以上系植被，20％系湖，可知行来行去都几无瘾。不过自然景色加埋偶尔出现既欧式建筑都算几靓，叶卡捷琳娜系欧州既fan屎，所以距间屋都搞到好欧洲感既样。。。可惜其中好几栋建筑都日久失修（包括某中式剧院6(-_-#)），溶溶烂烂，不过大半主体建筑都系保养得好好既。4点行到7点几，脚仔都软埋，仲差D迷失系皇宫后面既原始森林里面。。。就感又过左个比训觉有意义既周六！

 

ps：今日见到有人响皇宫举行婚礼，个新娘好靓，条老公就。。。sigh！俄罗斯呢度真系到处都可以搞婚礼既，上次涅瓦河边就见过几对啦。。。唔知系米今年日子好，我同宿舍一个华工自动化学院毕业既同事（太有缘啦）下个月就返去同距华工既博士LP摞结婚证啦，真系恭喜晒！！ 加埋上次既一pair，就系Petersburg呢度就两个麻甩佬要从此被困了，希望困得开心快乐啦～哈！

 

贴几张俄罗斯既女仔相，由于夏天短暂，一出太阳呢边D妹妹仔都着得比较少。。。后续会更新

 

一直训到12点几爬起身，发觉宿舍几个兄弟好努力感搞紧大扫除。

之前包租公投诉话宿舍卫生状况差（其实已经比国内好好多嘎啦），为左唔比赶出去而流落圣彼得堡既街头，我好自觉感。。。

 

大概一个钟左右搞掂间屋，求其吃左D野继续训觉，皆因落雨，无地方好去。。。

 

训到一半发现外面霎时撞入来一堆人。。。原来系一个HW同事今日影婚纱相！！！！！距lp系一个中国既本地留学生，几靓女嘎！

响圣彼得堡呢边影一辑婚纱相大概系10000RMB左右，摄影师1500卢布一个钟，大概系400到500RMB之间。国航来回机票系10000RMB/人，住宿一般系$200一晚。有兴趣既XDJM可以考虑下嘎！！

 

一班人走左之后先惊觉冰箱已经无左存货，司机兄弟载人去影相，无人带我地去超市6(-_-#)，最后几个面好快感比消灭左，然后饮左一杯好酸既俄罗斯本地酸奶，希望可以捱到听日。。。出去吃真系好贵啊！！KFC价格系国内3倍，已经彻底无语(T_T)

 

 

七月一号去到莫斯科，短暂停留 一日然后飞到圣彼得堡。。。张机票7500卢布，顶，可以来回飞一次广州北京啦。。。

 

呢个周末出左去逛，见识左圣彼得堡既奢侈萎靡生活（迟D贴相）！！D野贵到飞起，包括个D野。。。

 

不过呢度D环境系相当唔错既，靓女多到眼都花！！影左D相，到时整理下放上来啦！

 

目前用公司电脑净系可以上MSN咋。。。唉，生活足够苦闷